Akola News – पोलीस भरती सरावासाठी जात असताना कूलरचा शॉक लागला, तरुणाचा मृत्यू

पोलीस भरती सरावासाठी घरुन निघत असतानाच कूलरचा शॉक लागल्याने तरुणाचा दुर्दैवी मृत्यू झाल्याची घटना अकोल्यात घडली. रोहित विठ्ठल बावस्कर असे मयत तरुणाचे नाव आहे. अकोल्यातील कान्हेरी सरप येथे ही घटना घडली. या घटनेमुळे बावस्कर कुटुंबावर दुःखाचा डोंगर कोसळला आहे.

रोहित पोलीस भरतीसाठी प्रयत्न करत होता. त्यासाठी दररोज तो पहाटे 4 वाजता सरावासाठी जात असे. नेहमीप्रमाणे सोमवारी पहाटे 4 वाजता तो पोलीस भरती सरावासाठी चालला होता. मात्र नियतीच्या मनात वेगळंच होतं. पायात बूट घालत असताना रोहितला कूलरचा शॉक लागला. यात रोहितचा जागीच मृत्यू झाला.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.