सहा जिल्ह्यांत शेतकरी भवन बांधण्याचा निर्णय रद्द, फडणवीसांनी शिंदेंचा आणखी एक निर्णय फिरवला

तत्कालीन मुख्यमंत्री एकनाथ शिंदे यांनी घेतलेले निर्णय धडाधड रदद् करण्याचा निर्णय मुख्यमंत्री देवेंद्र फडणवीस यांनी धडाका लावला आहे. राज्यातल्या शेतकऱयांसाठी शेतकरी भवन बांधण्याचा निर्णय एकनाथ शिंदे यांच्या कार्यकालात घेतला होता. पण गडचिरोली, बीड, जालना, कोल्हापूर, नांदेड अमरावती या सहा जिल्ह्यातील शेतकरी भवन बांधण्यास दिलेली प्रशासकीय मान्यता रद्द करण्याचा निर्णय देवेंद्र फडणवीस यांच्या सरकारने घेतला आहे.

तत्कालीन मुख्यमंत्री एकनाथ शिंदे यांनी घेतलेले अनेक निर्णय मुख्यमंत्री देवेंद्र फडणवीस यांनी मागील चार महिन्यात घेतले आहे. त्यामध्ये आता शेतकरी भवनाची भर पडली आहे.

राज्यभरातील कृषी उत्पन्न बाजार समित्यांमध्ये शेतमाल विक्रीसाठी आणणाऱया शेतकऱयांना जेवण व मुक्कामासाठी राष्ट्रसंत तुकडोजी महाराज शेतकरी भवन बांधण्याचा निर्णय राज्यसरकारने घेतला होता. . यासाठी शेतकरी भवन नसलेल्या 116 बाजार समित्यांना प्रत्येकी 1 कोटी 52 लाख खर्च करण्यात येणार होते. यासाठी पणन विभाग 50 ते 70 टक्के निधी देण्याचा निर्णय झाला होता. पण राज्याच्या सहकार, पणन विभागाने आदेश जारी करून शेककरी भवनाची प्रशासकीय मान्यता रद्द केली आहे.

असे होते शेतकरी भवन

शेतकरी भवनाचे मॉडेलही निश्चित करण्यात आले होते. यात तळ मजल्यावर बहुउउदेशीय हॉल, तीन शॉप, पहिल्या मजल्यावर चार रूम, एकूण 20 बेडची ही इमारत असणार आहे. प्रत्येक शेतकरी भवनासाठी 1.52 कोटी रुपये खर्च अपेक्षित असला तरी त्यापैकी 30 ते 50 टक्के खर्च बाजार समितीला आणि उर्वरित निधी राज्य सरकार अशी योजना होती.