… तेव्हा मी 15 दिवस स्वत:चीच लघवी बिअर सारखे प्यायलो – परेश रावल

अभिनेते परेश रावल यांनी एका मुलाखतीत बोलताना एक धक्कादायक खुलासा केला आहे. ”एका चित्रपटाच्या शूटींगदरम्यान गुडघ्याला दुखापत झालेली असताना त्यांना स्वत:चीच लघवी पिण्याचा सल्ला देण्यात आला होता व तसे त्यांनी केल्यामुळे त्यांना बरं वाटलं होतं, असं त्यांनी या मुलाखतीत म्हटलं आहे.

”घातक सिनेमाचं शूटींग सुरू होतं त्यावेळी माझ्या गुडघ्याला दुखापत झाली होती. मी नानावटी रुग्णालयात दाखल होतो. तेव्हा अजय देवगणचे वडील वीरू देवगण यांनी मला सकाळी सर्वात आधी स्वतःची लघवी पिण्याचा सल्ला दिला. मी त्या दुखण्याने इतका हैराण होतो की मी सलग 15 दिवस त्यांनी सांगितल्याप्रमाणे स्वत:ची लघवी बिअरसारखी प्यायलो. पण त्या उपायाने मला बरं वाटलं. त्यानंतर जेव्हा माझ्या पायाचा एक्सरे काढण्यात आला तेव्हा डॉक्टरांनाही धक्का बसला ते म्हणाले अशी दुखापत बरी व्हायला दोन ते अडीच महिने लागतात पण तुम्ही दीड महिन्यातच बरे झालात’, असं परेश रावल यांनी सांगितलं. द लल्लंटॉपशी बोलताना परेश रावल यांनी ही माहिती दिली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.