सहा वर्षांत संपूर्ण लोकल वाहतूक स्वतंत्र ट्रॅकवर; बदलापूर-कर्जत, आसनगाव-कसारा, पनवेल-वसई ‘सुस्साट’ गाठता येणार

सहा वर्षांत संपूर्ण लोकल वाहतूक स्वतंत्र ट्रॅकवर; बदलापूर-कर्जत, आसनगाव-कसारा, पनवेल-वसई ‘सुस्साट’ गाठता येणार

लोकल प्रवास सुकर करण्यासाठी मुंबई रेल्वे विकास कॉर्पोरेशन (एमआरव्हीसी) विविध प्रकल्प राबवत आहे. मुंबई अर्बन ट्रान्सपोर्ट प्रोजेक्टच्या ‘3-ब’ टप्प्यात बदलापूर-कर्जत, आसनगाव-कसारा व पनवेल-वसई दरम्यान लोकलच्या स्वतंत्र मार्गिकांचे काम केले जाणार आहे. राज्य सरकारची मंजुरी मिळताच या कामाला गती मिळणार आहे. येत्या सहा वर्षांत हे काम पूर्ण होऊन संपूर्ण लोकल वाहतूक स्वतंत्र ट्रकवर धावण्याची चिन्हे आहेत.

मुंबई महानगराची वाढती व्याप्ती व प्रवाशांची गरज लक्षात घेत उपनगरी रेल्वेचे जाळे विस्तारले जात आहे. एमयूटीपीच्या विविध टप्प्यांत विकासकामे करण्यात येत आहेत. सध्या पश्चिम रेल्वेवर डहाणूपर्यंतची लोकल वाहतूक मेल-एक्सप्रेसच्या अडथळ्याविना सुरू आहे. तुलनेत जास्त कार्यक्षेत्र असलेल्या मध्य रेल्वेच्या बऱयाच भागांत लोकल वाहतुकीमध्ये मेल-एक्सप्रेसचा अडसर येत आहे. त्यात बदलापूर ते कर्जत, आसनगाव ते कसारा आणि पनवेल ते वसई यादरम्यानच्या मार्गिकांचा समावेश आहे. या मार्गांवर लोकल वाहतूक मेन लाईनपासून स्वतंत्र ट्रकवर चालवण्याचा प्रस्ताव आहे. लोकलच्या स्वतंत्र मार्गिकांचा प्रस्ताव रेल्वे बोर्डाने फेब्रुवारीत राज्य सरकारकडे पाठवला आहे, अशी माहिती एमआरव्हीसीचे अध्यक्ष आणि व्यवस्थापकीय संचालक विलास वाडेकर यांनी दिली. राज्याची मंजुरी मिळाल्यानंतर केंद्र सरकारच्या मंजुरीला अधिक वेळ लागणार नाही. स्वतंत्र लोकल मार्गिकांचा प्रस्ताव लवकरच मार्गी लागेल, असा विश्वास त्यांनी व्यक्त केला.

जवळपास 14 हजार कोटींचा खर्च येणार

एमयूटीपी-3 प्रकल्पा अंतर्गत बदलापूर ते कर्जत दरम्यान तिसरी व चौथी मार्गिका आणि आसनगाव ते कसारा दरम्यान चौथ्या मार्गिकेचे काम केले जाणार आहे. या मार्गिकांचे काम 3 ते 4 वर्षांत पूर्ण करण्याचे उद्दिष्ट आहे. पनवेल-वसई दरम्यान स्वतंत्र लोकल मार्गिकेचे काम करण्यात येणार असून त्यासाठी 5 ते 6 वर्षे लागण्याचा अंदाज आहे. सर्व मार्गिकांवर साधारण 14 हजार कोटींचा खर्च येणार असून पेंद्र व राज्य सरकार 50-50 टक्के खर्चाचा भार उचलणार आहे.

Tags:

About The Author

Manisha Thorat- Pisal Picture

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे. 

Post Comment

Comment List

Advertisement

Latest News

निवृत्तीनंतर विराट आणि अनुष्काचा आहे हा प्लॅन? स्वत:च सांगितलं निवृत्तीनंतर विराट आणि अनुष्काचा आहे हा प्लॅन? स्वत:च सांगितलं
सर्वांच्या मनावर राज्य करणारा क्रिकेटर, सर्वांचा लाडका खेळाडू विराट कोहलीने कसोटी क्रिकेट खेळण्यातून आता निवृत्ती घेतली आहे. त्याच्या निर्णयाने नक्कीच...
बिग बींनी सोडला होता भारत, 6800 किमी दूर असलेल्या या देशात झाले स्थायिक
पाकड्यांच्या कुरापती सुरुच, पंतप्रधानांच्या भाषणानंतर सांबा सेक्टरमध्ये पुन्हा ड्रोन दिसले
IPL 2025 – आयपीएलचे नवे वेळापत्रक जाहीर, जाणून घ्या कधीपासून सुरू होणार सामने
पापाने व्यापार बंद करनेकी धमकी देकर वॉर रुकवा दी, संजय राऊत यांचा निशाणा
डोनाल्ड ट्रम्प यांनी व्यापार आणि युद्धबंदीवर केलेल्या वक्तव्यावर पंतप्रधानांनी स्पष्टीकरण द्यावं, काँग्रेसची मागणी
जालन्यात वीज पडून तरुण शेतकर्‍याचा मृत्यू