बुधवारी रात्री रशियाने युक्रेनची राजधानी कीववर क्षेपणास्त्रे आणि ड्रोनने हल्ला केला. या हल्ल्यात किमान 8 जणांचा मृत्यू झाला, तर 70 हून अधिक जण जखमी झाले. गेल्या 9 महिन्यांतील युक्रेनच्या राजधानीवरील हा सर्वात मोठा हल्ला आहे. या हल्ल्यामुळे अनेक इमारतींना आग लागल्याचे सांगण्यात येत आहे. हल्ल्यात जखमी झालेल्या 42 जणांना रुग्णालयात दाखल करण्यात आले आहे, ज्यात 6 मुले आहेत. काही लोक अजूनही ढिगाऱ्यात अडकले आहेत. त्यांना वाचवण्यासाठी बचाव कार्य सुरू आहे.
स्थानिक माध्यमांनी दिलेल्या वृत्तानुसार, रशियाने युक्रेनवर 70 क्षेपणास्त्रे आणि 145 ड्रोनने हल्ला केला. ज्यांचे मुख्य लक्ष्य कीव होते. युक्रेनचे अध्यक्ष झेलेन्स्की म्हणतात की, या हल्ल्याचा उद्देश अमेरिकेवर दबाव आणणे होता. दरम्यान, जुलै 2024 नंतर कीववर झालेला हा सर्वात मोठा हवाई हल्ला आहे. राज्य आपत्कालीन सेवेने एका टेलिग्राममध्ये लिहिले आहे की, ज्या ठिकाणी हल्ला झाला त्या ठिकाणी ढिगाऱ्याखाली अडकलेल्या लोकांना वाचवण्यासाठी बचाव कार्य सुरू आहे. कीवमध्ये 13 ठिकाणांना लक्ष्य करण्यात आले, ज्यात निवासी इमारती आणि सार्वजनिक पायाभूत सुविधांचा समावेश होता.
.jpeg)
.jpeg)
Comment List