Mumbai News – गाडी बाजूला घेण्यावरून कार चालक आणि बस कंडक्टरमध्ये भररस्त्यात हाणामारी, व्हिडिओ व्हायरल

रस्त्यावरील कार बाजूला घेण्यास सांगितल्याने बस कंडक्टर आणि कारच्या चालकामध्ये हाणामारी झाल्याची घटना उघडकीस आली आहे. कार चालक आणि बस कंडक्टरमधील भररस्त्यातील राडा मोबाईल कॅमेऱ्यात कैद झाला आहे. हा व्हिडिओ सोशल मीडियावर व्हायरल झाला आहे.

अंधेरी पश्चिमेकडील लोखंडवाला कॉम्प्लेक्समध्ये ही घटना घडली. बस कंडक्टरने कार चालकाला कार बाजूला घेण्यास सांगितले. यामुळे कार चालक संतापला आणि त्याने बस कंडक्टरशी वाद घालण्यास सुरुवात केली. यानंतर कार चालकाने कंडक्टरवर हात उगारला आणि धक्के दिले. यानंतर दोघांमध्ये जोरदार राडा पहायला मिळाला.

ही सर्व घटना नागरिकांनी मोबाईलमध्ये कैद केली असून हा व्हिडिओ सोशल मीडियावर व्हायरल झाला आहे. भररस्त्यात घडल्या प्रकाराबाबत नेटकऱ्यांकडून संताप व्यक्त होत आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.