Pahalagam Terror Attack – ‘संताप शब्दात व्यक्त करणं शक्य नाही’, पहलगाम हल्ल्यावर शाहरुख खानची प्रतिक्रिया

जम्मू आणि काश्मीरमधील पहलगाम येथे मंगळवारी झालेल्या दहशतवादी हल्ल्यात 26 जणांचा मृत्यू झाला. या हल्ल्यानंतर देशभरात संतापाची लाट पसरली आहे. दहशतवादी हल्ल्यातील निष्पाप लोकांना आणि त्यांच्या कुटुंबियांना न्याय मिळावा, अशी मागणी सर्वजण करत आहेत. बॉलिवूडमधून या घटनेवर शोक व्यक्त करण्यात येत आहे. यावरच आता अभिनेता शाहरुख खान यानेही आपली प्रतिक्रिया दिली आहे.

इन्स्टाग्रामवर एक स्टोरी शेअर शाहरुख खान म्हणाला आहे की, “‘पहलगाममध्ये घडलेल्या अमानवी हिंसाचाराबद्दलचे दुःख आणि संताप शब्दात व्यक्त करणं शक्य नाही. अशा वेळी कोणीही फक्त देवावर विश्वास ठेवून शोकग्रस्त कुटुंबांसाठी प्रार्थना करू शकतो आणि आपल्या मनापासून संवेदना व्यक्त करू शकतो. आपण एकजूट होऊन, एक राष्ट्र म्हणून मजबूत होऊन या, घृणास्पद कृत्याविरुद्ध न्याय मिळवूया.”

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.