सोने झाले लाखमोलाचे! सोन्याच्या पंढरीत गाठला लाखमोलाचा टप्पा; सोन्याचे दर उच्च्यांकी पातळीवर

सोने झाले लाखमोलाचे! सोन्याच्या पंढरीत गाठला लाखमोलाचा टप्पा; सोन्याचे दर उच्च्यांकी पातळीवर

सुवर्णनगरी म्हणून देशभरात प्रसिद्ध असलेल्या जळगावात सोमवारी सोन्याने लाखाचा उंबरा ओलांडला! तोळाभर सोन्याचा भाव 99,500 रुपयांवर गेला. जीएसटी आणि घडणावळ मिळून तोळ्याचा भाव लाखाच्या वर गेला आहे. सोन्याने लाखाची मजल ओलांडली असली तरी बाजाराला मात्र ग्राहकांची वाट बघावी लागत आहे. सुवर्णनगरी म्हणून ओळख असलेला जळगाव जिल्हा संपूर्ण देशात प्रसिद्ध असून देशभरातून येथे ग्राहक खरेदीसाठी येत असतात. सणासुदीच्या दिवसांत नागरिक मोठ्या प्रमाणावर सोने खरेदी करतात, तर काहीजण गुंतवणुकीसाठी, काही जण सोने-चांदीचे दागिने आवड म्हणून खरेदी करतात.

विशेष म्हणजे सध्या लग्नसराई व सणासुदीचे दिवस असतानाही बाजारात शुकशुकाट होता. सोमवारी सोन्याच्या दराने एक लाखाचा टप्पा पार करताच बाजारातून ग्राहक गायबच झाले. अमेरिकेचे अध्यक्ष डोनाल्ड ट्रम्प यांनी सुरू केलेल्या ‘टॅरिफ वॉर’मुळे जागतिक भांडवली बाजारात प्रचंड उलथापालथ सुरू आहे. परिणामी सोन्याच्या दराने सार्वकालिक उच्चांक गाठला आहे. सोमवारी बाजारात एक तोळा म्हणजेच 10 ग्रॅम सोन्याचा भाव 99,500 रुपयांवर पोहोचला. जीएसटी आणि घडणावळ मिळून हा भाव लाखाच्या वर गेला. सोने खरेदीपेक्षा सोने मोड करण्यावर ग्राहकांचा भर आहे. त्यामुळे बाजारात खरेदी मंदावली असून रोखीचा व्यवहार वाढल्याचे दिसून येत आहे.

जगासह देशात सध्या अस्थिरतेचे वातावरण आहे. डोनाल़्ड ट्रम्प यांच्या टॅरिफ धोरणाचा मोठा फटका शेअर बाजाराला बसला होता. त्यामुळे जगभरात अस्थिरता वाढत असून गुंतवणूकदारांचा ओढा सोन्याकडे वळला आहे. त्यामुळे सोन्याच्या दरात सातत्याने वाढ होत आहे. आता सोने एक लाखाच्या टप्प्यात पोहचले आहे. सोन्याचे पंढरी म्हणून ओळखल्या जाणाऱ्या जळगावमध्ये सोन्याने लाखामोलाचा टप्पा गाठला आहे.

Tags:

About The Author

Manisha Thorat- Pisal Picture

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे. 

Post Comment

Comment List

Advertisement

Latest News

मुंबईत मॉक ड्रीलदरम्यान काय होणार, ब्लॅकआऊट कुठे आणि कधी? जाणून घ्या A टू Z माहिती मुंबईत मॉक ड्रीलदरम्यान काय होणार, ब्लॅकआऊट कुठे आणि कधी? जाणून घ्या A टू Z माहिती
भारत आणि पाकिस्तान यांच्यातील वाढत्या तणावाच्या पार्श्वभूमीवर उद्या बुधवार (7 मे) देशभरात अनेक ठिकाणी मॉक ड्रिल केले जाणार आहे. महाराष्ट्रातील...
राज्यात ठिकठिकाणी अवकाळी पाऊस, पुढील 3 तास धोक्याचे, हवामान विभागाचा अंदाज काय?
स्थानिक स्वराज्य संस्थांतील लोकशाहीची पायमल्ली होऊ देणार नाही, न्यायालयाचा हा निर्णय आश्वासक – सुप्रिया सुळे
मुंबई, ठाण्यासह राज्यात पावसाची हजेरी, वादळी वाऱ्यासह कोसळल्या हलक्या सरी
Pahalgam Attack : रशियानंतर आता या ताकदवान इस्लामिक देशाने PM MODI यांच्याशी हस्तांदोलन, भारताला दिला संपूर्ण पाठींबा
गर्लफ्रेंडसोबत असल्यावर घरी असलेल्या बायकोसाठी…, विवाहबाह्य संबंधाचा शत्रुघ्न सिन्हा यांना पश्चात्ताप
Rain Update – मुंबई नाशिकसह महाराष्ट्रात पावसाचं मॉक ड्रिल, नागरिकांची तारांबळ