Bengaluru Airport Incident – केम्पेगौडा आंतरराष्ट्रीय विमानतळावर अपघात, मिनी बसची इंडिगो विमानाला धडक

बंगळुरूमधील केम्पेगौडा आंतरराष्ट्रीय विमानतळावर अपघाताची घटना समोर आली आहे. ग्राउंड हँडलिंग एजन्सीची मिनी बस पार्क केलेल्या इंडिगो विमानाला धडकली. सुदैवाने या अपघातात कुणालाही दुखापत झाली नाही, अशी माहिती विमानतळ प्रवक्त्यांनी दिली.

एका तृतीय पक्ष ग्राउंड हँडलिंग एजन्सीद्वारे चालवली जाणारी मिनी बस शुक्रवारी दुपारच्या सुमारास पार्क केलेल्या इंडिगो कंपनीच्या नॉन-ऑपरेशनल विमानाच्या अंडरकॅरेजला धडकली.

इंडिगो एअरलाइन्सने बंगळुरू विमानतळावरील घटनेबाबत प्रेस निवेदन प्रसिद्ध केले आहे. बंगळुरू विमानतळावरील घटनेची चौकशी सुरू आहे. चौकशीअंती आवश्यकत ती कारवाई केली जाईल, असे इंडिगो एअरलाइन्सने म्हटले आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.