शिर्डीला दर्शनाला चाललेल्या भाविकांच्या बसला बुलढाण्यात अपघात झाल्याची घटना शुक्रवारी घडली. या अपघातात बसमधील 35 जण जखमी झाले आहेत. तर तीन जण गंभीर जखमी आहेत. जखमींना उपचारासाठी रुग्णालयात दाखल करण्यात आले आहे. बस रस्त्याच्या कडेला उभ्या असलेल्या ट्रकवर आदळल्याने हा अपघात घडला.
आंध्र प्रदेशातील भाविक शिर्डीला दर्शनाला चालले होते. यादरम्यान बुलढाण्यातील मुंबई-कोलकाता राष्ट्रीय महामार्गावर मलकापूर ते नांदुरा दरम्यान पहाटेच्या सुमारास बस ट्रकवर आदळली. अपघाताची माहिती मिळताच मलकापूर ग्रामीण पोलिसांनी घटनास्थळी धाव घेत मदतकार्य सुरू केले.
जखमींना तात्काळ उपचारासाठी मलकापूर ग्रामीण रुग्णालयात दाखल करण्यात आले. दहा जणांना पुढील उपचारांसाठी बुलढाणा येथे रेफर करण्यात आले आहे.
.jpeg)
Comment List