पुणे-सातारा महामार्गावर वोल्वो बसला भीषण आग, जीव वाचवण्यासाठी प्रवाशांच्या खिडकीतून उड्या

पुणे-सातारा महामार्गावर वोल्वो बसला भीषण आग लागल्याची घटना गुरुवारी दुपारी घडली. आगीत बस संपूर्ण जळून खाक झाली. सुदैवाने दुर्घटनेत कोणतीही जीवितहानी झाली नाही. बसचालकाच्या सतर्कतेमुळे प्रवासी सुखरुप बचावले. या घटनेमुळे महामार्गावरील वाहतूक काही काळ विस्कळीत झाली होती.

खासगी वोल्वो बस कोल्हापूरहून पुण्याकडे येत होती. यादरम्यान खेड शिवापूरजवळ बसच्या इंजिनमधून अचानक धूर येऊ लागला. बघता बघता क्षणात बसने पेट घेतला. जीव वाचवण्यासाठी प्रवाशांनी बसमधून उड्या घेतल्या. चालकाने तात्काळ बस थांबवल्याने सुदैवाने यात कोणतीही जीवितहानी झाली नाही.

घटनेची माहिती मिळताच अग्नीशमन दलाने तात्काळ घटनास्थळी धाव घेतली. अथक प्रयत्नाने अग्नीशमन दलाने आगीवर नियंत्रण मिळवले. बसला आग नेमकी कशामुळे लागली याबाबत स्थानिक पोलीस आणि बस कंपनी तपास करत आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.