प्रँक करण्याच्या नादात नको ते करुन बसले, मित्रांमुळे तरुणाने प्राण गमावले

प्रँक करताना मित्रांनी कंप्रेसरने शरीरात हवा भरल्याने एका तरुणाचा मृत्यू झाल्याची घटना मध्य प्रदेशातील भोपाळमध्ये घडली. मोतीराम असे मयत तरुणाचे नाव असून तो जगन्नाथ दाल मिलमध्ये नोकरी करत होता. या घटनेमुळे परिसरात खळबळ उडाली. पोलिसांनी कारखान्यातीव सर्व सीसीटीव्ही ताब्यात घेतले आहेत. तसेच कारखान्याच्या मॅनेजरचीही चौकशी करत आहेत.

इंदौरच्या तीन इमली पालडा येथील रहिवासी असलेला मोतीराम रविवारी नेहमीप्रमाणे कामावर गेला. तेथे त्याच्या मित्रांनी मस्करी म्हणून त्याच्या शरीररात कंप्रेसरने हवा भरली. यानंतर मोतीराम अस्वस्थ झाला. त्याला तात्काळ रुग्णालयात नेण्यात आले. डॉक्टरांनी त्याला तपासले असता त्याच्या गुप्तांगातून रक्तस्राव होत होता.

उपचार सुरु असतानाच काही वेळात मोतीरामचा मृत्यू झाला. याप्रकरणी संयोगिता गंज पोलीस प्रकरणाचा तपास करत आहेत. तसेच मस्करी करणाऱ्या मित्रांचीही ओळख पटवण्याचा प्रयत्न करत आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.