उत्तर प्रदेशात विद्यापीठाच्या आवारात वीज कोसळली, 5 विद्यार्थी जखमी; दोघांची प्रकृती गंभीर

उत्तर प्रदेशातील मुरादाबाद येथील तीर्थंकर महावीर विद्यापीठात वीज कोसळून पाच विद्यार्थी जखमी झाले आहेत. जखमींपैकी दोघांची प्रकृती गंभीर आहे. ही सर्व घटना सीसीटीव्हीत कैद झाली असून हा व्हिडिओ सोशल मीडियावर व्हायरल झाला आहे.

पावसापासून बचाव करण्यासाठी पाच विद्यार्थी गुरुवारी विद्यापीठाच्या आवारात एका झाडाखाली थांबले होते. यादरम्यान त्यांच्यावर वीज कोसळली. जखमी विद्यार्थ्यांना तात्काळ रुग्णालयात दाखल करण्यात आले आहे.

उत्तर प्रदेश, बिहार, उत्तराखंडमध्ये अवकाळी पावसाने हाहाःकार माजवला आहे. उत्तर प्रदेशात पावसामुळे आणि वीज कोसळल्याने किमान 22 जणांचा मृत्यू झाला आहे. तर उत्तर प्रदेश, बिहार, उत्तराखंडमध्ये एकूण 47 जणांचा मृत्यू झाला.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.