नाशिक आर्टिलरीत भ्रष्टाचार; 15 अधिकाऱ्यांविरोधात सीबीआयचा गुन्हा

नाशिक येथील आर्टिलरी सेंटरच्या 15 अधिकाऱ्यांविरोधात मुंबई सीबीआयच्या लाचलुचपत प्रतिबंधक विभागाच्या वतीने गुन्हा दाखल करण्यात आला आहे. हिंदुस्थानी सैन्याच्या महत्त्वाच्या विभागात भ्रष्टाचा केल्याप्रकरणी गुन्हा दाखल झाल्याने नाशिकमध्ये एकच खळबळ उडाली आहे.

केंद्रीय गुन्हे अन्वेषण विभागाच्या (सीबीआय) लाचलुचपत प्रतिबंधक विभागामार्फत नोव्हेंबर 2024 मध्ये आर्टिलरी सेंटरच्या अधिकाऱ्यांची आर्थिक गैरव्यवहार झाल्याच्या संशयातून चौकशी करण्यात आली होती. आर्टिलरी सेंटरमधील भ्रष्टाचारासह लाचखोरीच्या तक्रारी सीबीआयकडे प्राप्त झाल्या होत्या. या तक्रारींची दखल घेत सीबीआयचे विभागीय पथक नाशिकमध्ये दाखल झाले होते. यावेळी तपासातून सीबीआयच्या ‘एसीबी’च्या हाती महत्त्वाचे पुरावे मिळाल्याची चर्चा रंगली होती.

या प्रकरणी नाशिकच्या आर्टिलरी सेंटरच्या 15 अधिकाऱ्यांविरोधात गुन्हा दाखल करण्यात आला आहे. भ्रष्टाचार केल्याप्रकरणी गुन्हा दाखल झाल्याने एकच खळबळ उडाली आहे. जवानांचे बिल पास करण्यासाठी पैशांची मागणी करणाऱ्या ऑडिटर, अकाऊंटंट, क्लार्क आशा 15 अधिकाऱ्यांवर वेगवेगळय़ा 11 प्रकरणांत गुन्हा दाखल करण्यात आला आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.