देशाला तब्बल 22 लाख ड्रायव्हर्स हवेत

देशात तब्बल 22 लाख वाहनचालकांची कमतरता असल्याची माहिती केंद्रीय वाहतूक मंत्री नितीन गडकरी यांनी गुरुवारी दिली. देशभरात योग्य प्रशिक्षण सुविधांच्या अभावामुळे अनेक अपघात होत आहेत. केंद्र सरकारने चालकांसाठी प्रशिक्षण संस्था स्थापन करण्यासाठी 4,500 कोटी रुपयांची योजना सुरू केली असून यामुळे तब्बल 60 लाख लोकांना रोजगार मिळेल, असा विश्वास गडकरी यांनी व्यक्त केला. रस्ते वाहतूक मंत्रालयाने देशभरात चालक प्रशिक्षण संस्था स्थापन करण्यासाठी 4,500 कोटी रुपयांची योजना सुरू केली. याअंतर्गत सर्व राज्ये आणि केंद्रशासित प्रदेशांमध्ये टप्प्याटप्प्याने अशा 1,600 संस्था स्थापन केल्या जातील. दरवर्षी सुमारे 1.8 लाख लोक रस्ते अपघातात मृत्युमुखी पडतात. त्यापैकी बरेच जण प्रशिक्षण नसल्यामुळे दगावतात.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.