IPL 2025 – जसप्रीत बुमराह पुनरागमनासाठी सज्ज, अजून किती सामने वाट पहावी लागणार? वाचा…

मुंबई इंडियन्सचा मुख्य वेगवान गोलंदाज जसप्रीत बुमराह आयपीएलमध्ये दमदार पुनरागमनासाठी सज्ज झाला आहे. मुंबई इंडियन्सचा शुक्रवारी (4 एप्रिल 2025) लखनऊ सुपर जायंट्सविरुद्ध सामना होणार आहे. हार्दिक पंड्याच्या नेतृत्वात संघ विजय मिळवण्यासाठी मैदानात उतरले. परंतु या सामन्यात जसप्रीत बुमराह खेळणार नसल्याची माहिती समोर आली आहे.

दुखापतीमुळे जसप्रीत बुमराह बराच काळ क्रिकेटपासून लांब आहे. परंतु गेल्या काही महिन्यांमध्ये त्याने तंदुरुस्त होण्यासाठी चांगलीच मेहनत घेतली आहे. बंगळुरूच्या राष्ट्रीय उत्कृष्टता केंद्रामध्ये जसप्रीत घाम गाळताना दिसत आहे. त्याचबरोबर फिटनेस टेस्टच्या शेवटच्या टप्यावर तो आला आहे. बीसीसीआयच्या मेडिकल टीमने पूर्णपणे अनुमती दिल्यानंतर जसप्रीत बुमराह मुंबई इंडियन्सकडून लवकरच मैदानात उतरणार आहे. त्याचबरोबर आयपीएल संपल्यानंतर इंग्लंडविरुद्धच्या कसोटी मालिकेच्या दृष्टीनेही जसप्रीत बुमराहचे फिट होणे टीम इंडियासाठी सुद्धा महत्त्वाचे आहे. ESPNcricinfo ने यासंदर्भात वृत्त दिले आहे.

बुमराहच्या अनुपस्थितीमध्ये मुंबई इंडियन्सने काही नवीन खेळाडूंना संघात स्थान दिले आहे. विग्नेश पुथुर, अश्विनी कुमार आणि सत्यनारायण राजू या नवख्या खेळाडूंनी आपलं नाण खणखणीत वाजवलं आहे. त्याचबरोबर ट्रेन्ट बोल्ट आणि दीपक चहर याचा अनुभव सुद्धा संघाच्या कामी येत आहे. मुंबईने आयपीएलमध्ये आतापर्यंत तीन सामने खेळले असून दोन सामने गमावले आहेत तर, एका सामन्यामध्ये मुंबईने विजय मिळवला आहे. मुंबई इंडियन्सचा पुढील सामना 7 एप्रिलला बंगळुरूविरुद्ध वानखेडेवर होणार आहे. या सामन्यात सुद्धा जसप्रीत बुमराह खेळण्याची शक्यता फारच कमी आहे. आज आणि 7 तारखेला होणाऱ्या सामन्यानंतर जसप्रीत मैदानात उतर