Facial- चेहऱ्यावर ग्लो येण्यासाठी बेसन फेशियल आहे खूप महत्त्वाचे! वाचा कसे कराल साधे सोपे फेशियल?

बेसनचा वापर केवळ पदार्थ बनवण्यासाठीच नाही तर, त्वचेच्या अनेक समस्यांपासून मुक्ती मिळवण्यासाठी देखील केला जाऊ शकतो. ज्यांची त्वचा निस्तेज झाली आहे, त्यांच्यासाठी बेसन खूप फायदेशीर आहे. बेसन त्वचेला टवटवीत करण्यास मदत करते तसेच चेहऱ्यावर नैसर्गिक चमक आणण्यास मदत करू शकते. इतकेच नाही तर चेहऱ्यावरील मुरुमे, कोरडी त्वचा, डाग, टॅनिंग आणि पिगमेंटेशन इत्यादींपासून मुक्तता मिळविण्यासाठी बेसन खूप फायदेशीर आहे. परंतु अनेकदा लोकांच्या मनात हा प्रश्न असतो की आपण आपल्या चेहऱ्यावरील नैसर्गिक चमक परत आणण्यासाठी बेसन कसे वापरू शकतो?

साधारणपणे लोक बेसनाने चेहरा धुतात आणि त्याचा वापर फेसपॅक, स्क्रब इत्यादी म्हणून करतात. पण तुम्हाला माहिती आहे का की तुम्ही बेसनाने घरी फेशियल देखील करता येते. घरी बेसन फेशियल करुन चेहऱ्यावर मस्त ग्लो येऊ शकतो.

 

बेसन फेशियल कसे करावे?

प्रथम एका भांड्यात 1 टेबलस्पून बेसन घ्यावे लागेल, नंतर त्यात १ टेबलस्पून दही घाला आणि ते चांगले मिसळा. हे मिश्रण चेहऱ्यावर लावावे लागेल आणि 4-5 मिनिटे गोलाकार हालचालीत मालिश करावी. त्यानंतर 15-20 मिनिटे तसेच राहू द्या. आता गोलाकार हालचालीत मालिश करताना साध्या पाण्याने चेहरा धुवावा.

 

एका भांड्यात बेसन घ्यावे, त्यात चिमूटभर हळद घालावी. यानंतर, 1-2 चमचे कच्चे दूध किंवा गुलाबजल घाला आणि चांगले मिसळा. हे मिश्रण चेहऱ्यावर नीट लावून ठेवावे. हे मिश्रण कान आणि मानेवर लावायला विसरू नका. 15-20 मिनिटांनंतर चेहरा धुवावा.

 

बेसनाने चेहरा एक्सफोलिएट करण्यासाठी, एका भांड्यात बेसन घ्यावे. त्यात 1  चमचा ओट्स बारीक करून नीट मिक्स करावे. त्यात थोडे कॉर्न फ्लोअर घालून नंतर लगेच 2-3 चमचे कच्चे दूध घालावे. हे मिश्रण व्यवस्थित मिक्स करुन, तसेच राहू द्यावे. नंतर हे मिश्रण चेहऱ्यावर स्क्रब म्हणून 4-5  मिनिटे तसेच ठेवावे. नंतर धुवा किमान 20 मिनिटांनी चेहरा स्वच्छ धुवावा.

 

बेसन फेस पॅक चेहऱ्यावर लावण्यासाठी, एका भांड्यात बेसनात लिंबाचा रस, मलई आणि कच्चे दूध घाला आणि चांगले मिसळा. त्यात गुलाबजल घालावे आणि हा फेसपॅक चेहऱ्यावर लावावा. किमान 15-20 मिनिटांनी धुवावा. नंतर तुमचा चेहरा मॉइश्चरायझ करायला विसरू नका.

 

(कोणतेही उपाय करण्याआधी तज्ज्ञांचा सल्ला अवश्य घ्यावा.)