प्रशांत कोरटकराला आर्थिक मदत करणारा पडवेकर हा फडणवीसांचा कर्मचारी, अतुल लोंढे यांचा दावा

छत्रपती शिवाजी महाराज, छत्रपती संभाजी महाराज यांचा अवमान करत इतिहास अभ्यासक इंद्रजित सावंत यांना धमकावणाऱ्या शिवद्रोही प्रशांत कोरटकरला दोन दिवसांची पोलीस कोठडी सुनावण्यात आली आहे. यातच कोरटकरने त्याला आर्थिक मदत करणाऱ्यांची नावे घेतली आहेत. प्रतीक पडवेकर, धीरज चौधरी, राजू जोशीसह आणखी दोघांचे नाव चौकशीतून समोर आलं आहे. यातच कोरटकर याला आर्थिक मदत करणारा प्रतीक पडवेकर हा मुख्यमंत्री देवेंद्र फडणवीस यांच्या कार्यालयात काम करतो, असा दावा काँग्रेस प्रवक्ते अतुल लोंढे यांनी केला आहे.

याचबाबत बोलताना अतुल लोंढे म्हणाले आहेत की, “प्रतीक पडवेकर हे देवेंद्र फडणवीस यांच्या कार्यालयात काम करणारे कर्मचारी प्रशांत कोरटकर यांच्यासोबत होते. कोरटकरला जेव्हा अटक झाली तेव्हाही ते सोबत होते आणि कोल्हापूरला त्यांच्यासोबत आले. पण त्यांना का लपून ठेवलं आहे. कोरटकरला खरी मदत कोण करत होतं, हे पुढे का येत नाही. गृहमंत्री यांनी सांगावं आमच्याकडे आलेली माहिती खरी आहे की, खोटी.”, असं ते म्हणाले आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.