Sikandar- ‘सिंकदर’ प्रदर्शित होण्याआधीच चित्रपटातील संवादांना, दृश्यांना का लावली कात्री? वाचा सविस्तर

ईदला अवघे काही दिवस शिल्लक आहेत. सलमान खानचे चाहते सिकंदरकडे डोळे लावून बसले आहेत. कधी एकदा थिएटरमध्ये जाऊन सिंकदर बघतोय असं सलमानच्या चाहत्यांना झालेलं आहे. सलमान खानचा ‘सिकंदर’ हा चित्रपट येत्या (30 मार्च) ला प्रदर्शित होत आहे. ईदनिमित्ताने दबंग खान पुन्हा एकदा चाहत्यांच्या भेटीसाठी सिकंदरच्या रुपात येत आहे. ‘सिकंदर’ प्रदर्शित होण्यासाठी अवघे काही दिवस शिल्लक असताना, निर्मात्यांनी चित्रपटामध्ये एक मोठा बदल केला आहे. सेंट्रल बोर्ड ऑफ फिल्म सर्टिफिकेशन (CBFC) कडून UA 13+ प्रमाणपत्र मिळाल्यानंतरही चित्रपटाच्या निर्मात्यांनी ‘सिकंदर’ चित्रपटातील 14 मिनिटे आणि 28 सेकंदांचे फुटेज काढून टाकले आहे.

निर्मात्यांनी घेतलेल्या या निर्णयानंतर आता ‘सिकंदर’चा अंतिम रनटाइम 2 तास 15 मिनिटे आणि 47 सेकंद झालेला आहे.  याआधी सिंकदर चित्रपट हा तब्बल 2 तास 30 मिनिटे इतका होता.

निर्मात्यांनी कात्री लावण्याच्या घेतलेल्या निर्णयामुळे, ‘सिकंदर’च्या काही भागांवर प्रभाव पडला आहे. त्यामुळे काही ठिकाणी संवादांमध्ये थोडा फार बदलही जाणवेल. तसेच यामुळे जवळपास 26 दृश्यांवर मोठ्या प्रमाणात काटछाट करण्यात आली आहे. एवढेच नाही तर ‘सिकंदर’चे अनेक छोटे सीनही कापण्यात आले आहेत. “आते रहेंगे अब तो” अशी ओळ असलेला 56 सेकंदांचा सीनच काढून टाकण्यात आला आहे.

होळी साजरा करण्याचा एक सीन चित्रपटामध्ये 40 सेकंदांनी कमी करण्यात आला आहे. चित्रपटाचा वेग वाढवण्यासाठी हे महत्त्वाचे बदल करण्यात आल्याचे सध्याच्या घडीला सांगण्यात येत आहे.