शिवद्रोही प्रशांत कोरटकरला तीन दिवसांची पोलीस कोठडी, साथीदारांना अटक करण्याची वकील असीम सरोदे यांची मागणी

छत्रपती शिवाजी महाराजांबद्दल अपशब्द काढणाऱ्या प्रशांत कोरटकरला पोलिसांनी अटक केली आहे. कोरटकरला आज कोल्हापूर न्यायालयात हजर केले असता कोर्टाने त्याला तीन दिवसांची पोलीस कोठडी सुनावली आहे. प्रशांत कोरटकरला कोणी कोणी मदत केली त्यांनाही अटक करा अशी मागणी इंद्रजीत सावंत यांचे वकील असीम सरोदे यांनी केली आहे.

इतिहास संशोधक इंद्रजीत सावंत यांना धमकी दिल्यानंतर प्रशांत कोरटकर हा फरार झाला होता. सोमवारी कोल्हापूर पोलिसांनी कोरटकरला तेलंगाणा राज्यातून अटक केली होती. आज कोरटकरला पोलिलांनी हजर केले. पोलिसांनी कोरटकरची सात दिवसांसाठी कोठडी मागितली होती. न्यायालयाने कोरटकरला तीन दिवसांची पोलीस कोठडी सुनावली आहे.

इंद्रजित सावंत यांचे वकील असीम सरोदे म्हणाले की फक्त कोरटकरच नाही तर, तर कोरटकरला ज्यांनी ज्यांनी मदत केली त्यांना अटक झाली पाहिजे. फरार झाल्यानंतर कोरटकर काय खात होता याचाही तपास झाला पाहिजे, कारण कोरटकरच्या विधानाने संपूर्ण महाराष्ट्रात संतापाची लाट होती. तेव्हा कोरटकर आणि त्याचे सहकार्य काय मजा करत होते हे महाराष्ट्राला कळाले पाहिजे असेही सरोदे म्हणाले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.