DC vs LSG – दिल्ली कॅपिटल्सने लखनौ सुपर जायंट्सचा 1 विकेटने केला पराभव केला, अशुतोष शर्माची शानदार खेळी

आयपीएल 2025 च्या चौथ्या सामन्यात दिल्ली कॅपिटल्सने लखनौ सुपर जायंट्सवर 1 गडी राखून विजय मिळवला. विशाखापट्टणमच्या डॉ. वाय.एस. राजशेखर रेड्डी एसीए-व्हीडीसीए क्रिकेट स्टेडियमवर झालेल्या या सामन्यात दिल्लीने 210 धावांच्या आव्हानाचा यशस्वी पाठलाग केला. अशुतोष शर्माच्या नाबाद 62 धावांच्या खणखणीत खेळीने दिल्लीला हा विजय मिळवून दिला.

लखनौ सुपर जायंट्सने प्रथम फलंदाजी करताना 20 षटकांत 8 बाद 209 धावा केल्या. निकोलस पूरनने 75 धावांची आक्रमक खेळी खेळली. तर मिचेल मार्शने 36 चेंडूत 72 धावा कुटल्या. डेव्हिड मिलरनेही शेवटच्या षटकांत 20 धाव केल्या. दिल्लीकडून मिचेल स्टार्कने 3, तर कुलदीप यादवने 2 बळी घेतले. मात्र लखनौच्या फलंदाजांनी त्यांच्यासमोर मोठे आव्हान उभे केले.

प्रत्युत्तरात दिल्लीची सुरुवात अडखळली आणि पॉवरप्लेमध्ये त्यांनी 4 गडी गमावले. पण अशुतोष शर्मा आणि विप्रज निगम (39 धावा) यांनी मधल्या षटकांत आशा जागवली. शेवटच्या चेंडूपर्यंत रंगलेल्या या सामन्यात अशुतोषने संयम आणि आक्रमकतेचा मेळ घालत दिल्लीला विजय मिळवून दिला. त्याला ट्रिस्टन स्टब्स (34 धावा) याची चांगली साथ मिळाली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.