‘या देशाला आता देवच वाचवेल’, बलात्काराबद्दल अलाहाबाद हायकोर्टाच्या टिप्पणीवर कपिल सिब्बल संतापले

अलाहाबाद उच्च न्यायालयाच्या अलिकडच्या एका निर्णयावरून वाद निर्माण झाला आहे. लैंगिक गुन्ह्यांशी संबंधित एका प्रकरणात शुक्रवारी अलाहाबाद उच्च न्यायालयाने म्हटलं आहे की, “महिलेचे गुप्तांग धरणे आणि तिच्या पायजम्याची दोरी ओढणे हा बलात्कार किंवा नाही.” न्यायालयाच्या या टिप्पणीवर कायदेतज्ज्ञांनी निषेध केला आहे.

यावर ज्येष्ठ वकील आणि सर्वोच्च न्यायालय बार असोसिएशनचे अध्यक्ष कपिल सिब्बल यांनी सोशल मीडिया प्लॅटफॉर्म X वर एका पोस्टमध्ये म्हटले आहे की, “देव या देशाला वाचवो, कारण असे न्यायाधीश बेंचवर आहेत! चुकी करणाऱ्या न्यायाधीशांबाबत सर्वोच्च न्यायालयाची भूमिका खूपच मवाळ राहिली आहे.”

कपिल सिब्बल म्हणाले, “मला वाटते की अशा वादग्रस्त टिप्पण्या करणे अयोग्य आहे. कारण सध्याच्या काळात न्यायाधीश जे काही बोलतात त्यातून समाजाला संदेश जातो. जर न्यायाधीशांनी, विशेषतः उच्च न्यायालयाच्या न्यायाधीशांनी अशा प्रकारच्या टिप्पण्या केल्या तर समाजात चुकीचा संदेश जाईल आणि लोकांचा न्यायव्यवस्थेवरील विश्वास उडेल.”

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.