Prashant Koratkar case – प्रशांत कोरटकर फरार, लुकआउट नोटीस जारी

इतिहास अभ्यासक इंद्रजित सावंत यांना धमकी देणारा आणि छत्रपती शिवाजी महाराज व संभाजी महाराज यांच्याविषयी आक्षेपार्ह वक्तव्य करणारा प्रशांत कोरटकर हा अद्यापही फरार आहे. कोरटकर हा कोलकाता आंतरराष्ट्रीय विमानतळावरुन दुबईला फरार झाल्याचं बोललं जात आहे. यातच आता त्याचा शोध घेण्यासाठी लुकआउट नोटीस जारी करण्यात आली आहे, अशी माहिती कोल्हापूर पोलिसांनी दिली आहे.

याप्रकरणी माहिती देताना कोल्हापूर पोलिसांनी सांगितलं की, प्रशांत कोरटकर हा अजून फरार आहे. 17 मार्च रोजी सत्र न्यायालयाने त्याचा जामीन अर्ज फेटाळला. जामीन अर्ज फेटाळल्यापासून तो फरार आहे. त्याचा शोध घेण्यासाठी कोल्हापूर पोलिसांचे शोध पथक नागपूर, चंद्रपूर आणि मुंबई या तीन ठिकाणी गेलं आहे. त्याच्याविरुद्ध लुकआउट सर्क्युलर जारी केला आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.