सोमनाथ सूर्यवंशीचा जीव पोलिसांनी घेतला, आरोपींवर 302 चा गुन्हा दाखल करा; विजय वडेट्टीवार यांची मागणी

सोमनाथ सूर्यवंशी यांचा पोलीस कोठडीत झालेला मृत्यू हा नैसर्गिक नसून पोलिसांच्या मारहाणीत त्यांचा मृत्यू झाला आहे. हे आता स्पष्ट झालं आहे. यामध्ये सरकार आता उघडलं पडलं आहे. ज्या पोलिसांमुळे ही घटना घडली, त्या आरोप पोलिसांवर 302 चा गुन्हा दाखल करण्यात यावा, अशी मागणी काँग्रेस नेते आणि आमदार विजय वडेट्टीवार यांनी केली आहे. माध्यमांशी संवाद साधताना त्यांनी ही मागणी केली आहे.

विजय वडेट्टीवार म्हणाले आहेत की, “याप्रकरणी मुख्यमंत्र्यांना चुकीची माहिती देणाऱ्या अधिकाऱ्यावर कारवाई झाली पाहिजे. त्यांचं निलंबन झालं पाहिजे.” दरम्यान, परभणीत झालेल्या दगडफेक प्रकरणी न्यायालयीन कोठडीत असलेल्या सोमनाथ सूर्यवंशी या तरुणाचा कारागृहातच मृत्यू झाला होता, अशी माहिती न्यायदंडाधिकाऱ्यांचा अहवाल समोर आली आहे. यानंतर आता सोमनाथ सूर्यवंशी यांच्या कुटुंबीयांनी आणि राज्यातील विरोधी पक्षांनी आरोपींना कठोर शिक्षा व्हावी, ही मागणी केली आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.