अंधेरी, पवईत भीषण आग; चार जवान जखमी, सुदैवाने 60 जण बचावले

अंधेरी आणि पवई येथे आग लागल्याची घटना गुरुवारी घडली. अंधेरी येथील इंडस्ट्रियल इस्टेटला लागलेल्या आगीत अग्निशमन दलाचे चार जवान जखमी झाले तर पवईतील एका टॉवरला लागलेल्या आगीत 60 जण सुदैवाने बचावले आहेत.

अंधेरी पूर्व शांतीनगर येथील न्यू इंडस्ट्रियल इस्टेटमध्ये गुरुवारी दुपारी दीडच्या सुमारास आग लागली. आग विझविताना देवेंद्र यादव (30), तुषार हराड (25) प्रकाश इंगोले (30) आणि संध्या फराडे (34) हे चार अग्निशमन दलाचे कर्मचारी जखमी झाले. तर पवईच्या साई सफिरे या 24 मजली इमारतीमध्ये 17 व्या मजल्यावर डक्टिंगमध्ये लागलेल्या आगीत अग्निशमन दलाच्या जवानांनी 50-60 जणांची सुखरूप सुटका केली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.