Pune News – भरधाव कारची पिकअपला धडक, अपघातात 10 ते 12 जण जखमी

भरधाव कारने पिकअपला धडक दिल्याने झालेल्या अपघातात 10 ते 12 जण जखमी झाले. पुणे-सोलापूर महामार्गावर इंदापूर तालुक्यात काळेवाडीजवळ सोमवारी सायंकाळी हा अपघात घडला. सर्व जखमी लोकं पिकअप वाहनाने वेताळ बाबाच्या यात्रेच्या डेकोरेशनसाठी चालले होते.

इंदापूर तालुक्यातील लोणी देवकर येथे वेताळ बाबाच्या यात्रेचे आयोजन करण्यात आले आहे. या यात्रेची सध्या जय्यत तयारी सुरू असतानाच दौंड तालुक्यातील कानगाव येथील 10 ते 12 जण डेकोरेशनसाठी चालले होते. यावेळी काळेवाडीजवळ त्यांच्या पिकअप वाहनाला भरधाव कारने धडक दिली.

धडक देताच पिकअप वाहन दुभाजक तोडून बाजूला फरफटत गेले. धडक इतकी जोरदार होती की पिकअप वाहनातील लोकं जखमी झाले. जखमींपैकी 4 ते 5 जणांची प्रकृती गंभीर असल्याचे कळते. सर्व जखमींना उपचारासाठी रुग्णालयात दाखल करण्यात आले आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.