मालकाच्या हत्येचे गूढ उकलले, विनयभंग केला म्हणून अल्पवयीन मुला-मुलीने डोक्यात लादी घातली

भाईंदरच्या उत्तन परिसरात 22 फेब्रुवारी रोजी घडलेल्या एका 75 वर्षीय वृद्धाच्या हत्याकांडाचे गूढ उकलण्यात उत्तन पोलिसांना यश आले आहे. हत्या झालेल्या कंपनी मालकाने कंपनीत काम करणाऱ्या एका 16 वर्षीय मुलीचा विनयभंग केला होता. त्यानंतर या मुलीने आपल्या 17 वर्षीय मित्राच्या मदतीने कंपनी मालकाची डोक्यात लादी घालून हत्या केली.

किशोर मिश्रा (75) यांनी आपल्या नायगावमधील कंपनीत काम करणाऱ्या एका 16 वर्षीय अल्पवयीन मुलीचा विनयभंग केला होता. हा प्रकार या मुलीने आपल्या 17 वर्षीय मित्राला सांगितला. त्यानुसार दोघांनी मिश्रा यांना मारण्याचा कट आखला. मिश्रा हे बालेशाह पीर दर्गाजवळ आले असता या दोघांनी त्यांची डोक्यात लादी घालून हत्या केली. या हल्ल्यात गंभीर जखमी झाल्यामुळे मिश्रा यांचा जागीच मृत्यू झाला. याप्रकरणी उत्तन पोलीसांनी दोन्ही आरोपींना अटक केली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.