शीव पुलाचे काम पुन्हा रखडले; रेल्वेचा जागेसाठी संघर्ष

बांधकामाधीन शीव पुलाचे काम पुन्हा रखडले असून रेल्वेला रस्त्यासाठी जमीन मिळण्यास अडचण निर्माण झाली आहे. सार्वजनिक शौचालये हटवली आहेत. झाडेही काढण्यात येणार आहेत. या समस्या असतानाच जागेच्या कमतरतेमुळे पूर्व-पश्चिम फूटओव्हरब्रिजसाठी पश्चिमेकडील बाजूला जागा शोधण्यासाठी रेल्वेला संघर्ष करावा लागत आहे. हा पूल सहा महिन्यांपासून बंद आहे.

पुलावरील पादचाऱ्यांसाठी प्रवेश पूर्णपणे बंद करण्यापूर्वी 56 मीटर लांबीचा आणि 3 मीटर रुंदीचा पर्यायी पादचारी पूल बांधण्याची योजना मध्य रेल्वेने आखली आहे. हा पूल सध्याच्या पुलाच्या कल्याण बाजूच्या टोकाला बांधला जाईल. मात्र, धारावी दिशेला उतरणाऱ्या जिन्यांसाठी आवश्यक जागा उपलब्ध नसल्यामुळे काम रखडले आहे. ओव्हरब्रीजच्या खाली वीज केबल्स असतात. त्या हलवण्यासाठी महिना लागू शकतो. जागेची समस्या पालिका सोडवेल अशी आम्हाला आशा आहे.या विलंबामुळे प्रकल्प आणखी रखडल्याचे मध्य रेल्वेने सांगितले आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.