Alibaug Fire – अलिबागजवळ भर समुद्रात मच्छीमार बोटीला आग, 18 खलाशी सुखरूप

अलिबागजवळ भर समुद्रात एका मच्छिमार बोटीला भीषण आग लागली. या बोटीवर 18 खलाशी होते. सुदैवाने सर्व खलाशी सुखरूप आहेत. शॉर्ट सर्किटमुळे आग लागली असल्याची शक्यता वर्तविण्यात येत आहे. आक्षी साखर येथील राकेश मारुती गण यांच्या मालकीची ही बोट आहे.

भर समुद्रात बोटीने पेट घेतला. आगीत बोट 80 टक्के जळून खाक झाली. बोटीच्या वरील जाळी देखील जळाली आहे. बोटीवर 18 ते 20 खलाशी असल्याची माहिती मिळत आहे. स्थानिकांच्या मदतीने बोट किनाऱ्यावर आणून आग विझविण्याचे काम सुरू आहे. आग नेमकी कशामुळे लागली याचा तपास सुरू आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.