पृथ्वी शॉच्या आरोपांमध्ये तथ्य, कार हल्ला प्रकरणात इन्फ्लुएन्सरच्या याचिकेवर न्यायालयाने नोंदवले निरीक्षण

क्रिकेटपटू पृथ्वी शॉ आणि सोशल मीडिया इन्फ्लुएन्सर सपना गिल खटल्याबाबत मुंबई उच्च न्यायालयाने महत्वपूर्ण टिप्पणी केली. पृथ्वी शॉने सपना गिलवर लावलेल्या आरोपांमध्ये तथ्य असल्याचे न्यायालयाने म्हटले आहे. गिलविरुद्धचा खटला रद्द करण्यासाठी दाखल केलेल्या याचिकेवर विचार करण्यास न्यायालयाने अनिच्छा दर्शवली. या खटल्यात आरोपपत्राचा आढावा घेण्यावर न्यायालयाने भर दिला. न्यायमूर्ती सारंग कोतवाल आणि न्यायमूर्ती एसएम मोडक यांच्या खंडपीठाने याचिकेवर विचार करण्यास नकार दिला.

एफआयआरमध्ये गुन्ह्याचा स्पष्टपणे उल्लेख आहे, ज्यावरून असे दिसून येते की तुमच्याविरुद्ध काही पुरावे आहेत, असे न्यायालयाने गिलच्या वकिलाला सांगितले. न्यायमूर्ती कोतवाल यांनी गिलच्या वकिलाला ट्रायल कोर्टात डिस्चार्ज याचिका दाखल करण्याचा विचार करण्याचा सल्ला दिला. आम्ही रद्द करणार नाही, असे न्यायालयाने म्हटले.

काय आहे प्रकरण?

15 फेब्रुवारी 2024 रोजी गिल आणि तिच्या मैत्रिणींनी पृथ्वी शॉकडे सेल्फी मागितला होता. मात्र पृथ्वीने सेल्फी नाकारला. यानंतर गिलच्या गाडीवर हल्ला केला. तसेच 50 हजार रुपयांची मागणी करत पैसे न दिल्यास खोटे गुन्हे दाखल करण्याची धमकी दिली होती. याप्रकरणी शॉचा मित्र आशिष यादव याने तक्रार दाखल केली होती.

यादवच्या तक्रारीवरून मुंबई पोलिसांनी गिल आणि इतरांना अटक केली होती. मात्र गिलने यादवचे सर्व आरोप फेटाळून लावले. गिलने शॉ आणि काही पोलीस अधिकाऱ्यांविरुद्धही कायदेशीर कारवाई सुरू केली आहे. गिलने तिच्याविरुद्ध दाखल केलेले आरोप रद्द करण्यासाठी उच्च न्यायालयात याचिका दाखल केली.

उच्च न्यायालयाने या टप्प्यावर एफआयआर रद्द करणार नसल्याचे सांगितले आणि अतिरिक्त सरकारी वकील जेपी याज्ञिक यांना पुनरावलोकनासाठी आरोपपत्राची प्रत देण्याचे निर्देश दिले. सुनावणी 3 एप्रिलपर्यंत तहकूब करण्यात आली आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.