रेल्वे स्टेशनवरील चेंगराचेंगरीचे व्हिडिओ एक्सवरून हटवण्यापेक्षा रेल्वेमंत्र्यांना हटवा, आदित्य ठाकरे बरसले

दिल्लीत झालेल्या चेंगराचेंगरीचे सर्व व्हिडीओ हटवा असे आदेश केंद्र सरकारने एक्सला (पूर्वीचे ट्विटर) दिले आहेत. त्या ऐवजी रेल्वेमंत्रालय सांभाळण्यात अपयशी ठरलेल्या रेल्वेमंत्र्यांना का हटवू नये? असा सवाल शिवसेना (उद्धव बाळासाहेब ठाकरे) आमदार, युवासेनाप्रमुख आदित्य ठाकरे यांनी उपस्थित केला आहे.

Why not remove the @RailMinIndia instead for his bag of failures in his term as railways minister?

To misuse the other department of IT, the minister holds, and use it to remove videos of his failure from @X, only speaks of his failure and desperate attempt to cover it up.

The… pic.twitter.com/vOZi3kKX1g

— Aaditya Thackeray (@AUThackeray) February 21, 2025

एक्सवर पोस्ट करून आदित्य ठाकरे म्हणाले की, माहिती तंत्रज्ञान विभागाचा गैरवापर करून आपले अपयश झाकून रेल्वेमंत्र्यांनी एक्सवरचे व्हिडीओ डीलीट करायला सांगितले आहे. आपले अपयश झाकण्याचा हा केविलवाणा प्रयत्न आहे.रेल्वेमंत्र्यांनी राजीनामा द्यावा किंवा त्यांची हकालपट्टी करावी. रेल्वेमंत्रालय चालवण्यासाठी चांगल्या व्यक्तीची गरज आहे.

केंद्र सरकारला कुठलीच जबाबदारी स्वीकारायची नाही, हे यातून सिद्ध होत आहे. हा देश आता लोकशाही देश राहिलेला नाही. ही लोकशाही परत आणण्यासाठी आपल्याला प्रयत्न करावे लागतील, असे आदित्य ठाकरे म्हणाले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.