शिंदेंना एकाच दिवशी फडणवीसांचे दोन धक्के, 1400 कोटींचे मुंबई सफाईचे कंत्राट रद्द, जालन्यातील 900 कोटींच्या सिडको प्रकल्पाची चौकशी

एकनाथ शिंदे मुख्यमंत्री असताना घेतलेल्या निर्णयांच्या चौकशीचा सपाटाच मुख्यमंत्री देवेंद्र फडणवीस यांनी लावला असून आज एकाच दिवशी शिंदे यांना दोन धक्के बसले. शिंदेंनी मंजूर केलेल्या जालन्यातील सिडकोच्या 900 कोटींच्या खरपुडी गृहनिर्माण प्रकल्पाच्या चौकशीचे आदेश फडणवीसांनी दिले आहेत तर त्याचवेळी शिंदेच्या काळात देण्यात आलेले 1400 कोटींचे मुंबई सफाईचे कंत्राट रद्द करण्यात आल्याचे प्रतिज्ञापत्र आज महापालिकेने मुंबई उच्च न्यायालयात सादर केले आहे.

स्वच्छ कारभाराची सुरुवात शिंदे यांच्या निर्णयांच्या चौकशीनेच करा – वडेट्टीवार

एकनाथ शिंदे यांनी जे निर्णय घेतले त्याची चौकशी फडणवीस करत आहेत. सरकारचा कारभार स्वच्छ असणार असा नारा मुख्यमंत्र्यांनी दिला, त्याची सुरुवात शिंदे यांच्या निर्णयांच्या चौकशीपासून झाली आहे, असे कॉंग्रेस विधीमंडळ पक्षनेते विजय वडेट्टीवार म्हणाले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.