ज्ञानेश कुमार यांनी पदभार स्वीकारला

देशाचे 26 वे मुख्य निवडणूक आयुक्त म्हणून ज्ञानेश कुमार यांनी आज पदभार स्वीकारला. नवीन कायद्यांतर्गत नियुक्त झालेले ते पहिले मुख्य निवडणूक आयुक्त आहेत. त्यांचा कार्यकाळ 26 जानेवारी 2029 पर्यंत असणार आहे. याआधी मुख्य निवडणूक आयुक्त पद भूषविणारे राजीव कुमार 18 फेब्रुवारी रोजी निवृत्त झाले.

ज्ञानेश कुमार यांच्या दोन वर्षांच्या कार्यकाळात तब्बल 20 राज्ये आणि पुद्दुचेरी या एका केंद्रशासित प्रदेशात निवडणुका होणार आहेत. त्याची सुरुवात बिहारपासून होईल आणि अंतिम निवडणूक मिझोरममध्ये होणार आहे. ज्ञानेश पुमार यांच्याव्यतिरिक्त विवेक जोशी यांची निवडणूक आयुक्त म्हणून नियुक्ती करण्यात आली आहे. दरम्यान, मतदान हे देशसेवेच्या दिशेने पहिले पाऊल आहे. 18 वर्षे पूर्ण केलेल्या हिंदुस्थानातील प्रत्येक नागरिकाने मतदान करणे आवश्यक आहे. भारतीय संविधान, लोकप्रतिनिधी कायदा आणि त्यांच्या नियमानुसार निवडणूक आयोग नेहमीच मतदारांसोबत होता, आहे आणि राहील, अशी प्रतिक्रिया पदभार स्वीकारल्यानंतर ज्ञानेश यांनी दिली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.