परळी औष्णिक विद्युत केंद्राचे बँक खाते जप्त करण्याचे कोर्टाचे आदेश, जाणून घ्या काय आहे प्रकरण

बीडमधील अंबाजोगाई दिवाणी न्यायालयाकडून परळी औष्णिक विद्युत केंद्राचे बँक खाते जप्त करण्याचे आदेश देण्यात आले आहेत. बँक ऑफ महाराष्ट्र परळी औष्णिक विद्युत निर्मिती केंद्राचे खाते आहे. जे आता जप्त करण्यात येणार आहे. मिळालेल्या माहितीनुसार, परळी येथील वडगाव येथे 250 मेगावॅट विद्युत निर्मिती प्रकल्पासाठी शेतकऱ्यांच्या जमिनी भूसंपादन करण्यात आल्या होत्या. मात्र जमिनी घेऊन शेतकऱ्यांना योग्य मोबदला देण्यात आला नाही.

आपल्या जमिनीचा योग्य मोबदला न मिळाल्याने येथेही शेतकऱ्यांनी न्यायालयात धाव घेतली होती. यानंतर न्यायालयाने 2022 मध्ये शेतकऱ्यांना वाढीव मावेजा मंजूर केला होता. मात्र परळी औष्णिक विद्युत केंद्राने तो शेतकऱ्यांना दिला नाही. यानंतर शेतकऱ्यांनी न्यायालयात वसुली अर्ज दाखल केला. ज्यावर सुनावणी करताना अंबाजोगाई दिवाणी न्यायालयाकडून परळी औष्णिक विद्युत केंद्राचे बँक खाते जप्त करण्याचे आदेश देण्यात आले आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.