कॅबिनेट बैठकीपूर्वीच अजेंडा छापला; मुख्यमंत्री फडणवीसांचा संताप, मंत्र्यांना कारवाईचा इशारा

महायुती सरकारमध्ये मुख्यमंत्री देवेंद्र फडणवीस यांचे आदेश मंत्रीच धाब्यावर बसवत असल्याचे समोर आले आहे. खुद्द मुख्यमंत्री देवेंद्र फडणवसी यांनी माध्यमांसमोर याबाबत उघड बोलून थेट मंत्र्यांनाच कारवाईचा इशारा दिला आहे. कॅबिनेट बैठकीनंतर मुख्यमंत्री देवेंद्र फडणवीस यांनी माध्यमांशी संवाद साधला.

कॅबिनेट व्हायच्या आधीच काही लोक अजेंडा छापताहेत. ही चुकीची पद्धत आहे. मंत्र्यांनाही सांगितलं आहे की, आपल्या कार्यालयांना सांगा अन्यथा मला कारवाई करावी लागेल, असे मुख्यमंत्री म्हणाले. कॅबिनेटचा अजेंडा हा पूर्णपणे गोपनिय असतो. त्याची शपथ आपण घेतलेली आहे. यातून काही लपवण्या सारखं काही नाही. पण नियम पाळले पाहिजेत. त्यामुळे माध्यमांनाही विनंती आहे. त्यांनी नियम मोडू नये, असे मुख्यमंत्री देवेंद्र फडणवीस म्हणाले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.