मुंबईत मराठीचा पुन्हा अवमान, गुजरातीची सक्ती; रुपम शोरूम मॅनेजरला शिवसेनेचा दणका

मुंबईत मराठी भाषेचा अवमान होण्याच्या घटना थांबलेल्या नाहीत. क्रॉफर्ड मार्केटमधील रुपम शोरूमच्या मॅनेजरने एका मराठी तरुणाला गुजराती किंवा हिंदी भाषेतच बोलण्याची सक्ती केली. शिवसैनिकांनी त्या मॅनेजरला चांगलाच दणका दिल्यानंतर त्याला हात जोडून मराठीत माफी मागावी लागली.

रुपम शोरूमच्या मॅनेजरने आपल्याला गुजराती किंवा हिंदी भाषेतच बोलायचे अशी जबरदस्ती केली आणि मी मराठी भाषेत बोलणार नाही असेही अरेरावीने सांगितल्याची तक्रार या मराठी तरुणाने शिवसेना विभागप्रमुख संतोष शिंदे यांच्याकडे केली होती. शिंदे आणि शिवसैनिकांनी तातडीने रुपम शोरूम गाठून त्या मॅनेजरला जाब विचारला. मॅनेजरला मराठी भाषेत माफी मागायला भाग पाडले. या घटनेचा व्हिडीओ सोशल मीडियावर व्हायरल झाल्यानंतर मुंबईकरांनी त्यावर कमेंट्स करून शिवसेनेचे काौतुक केले आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.