रेसबाजांना पोलिसांचा दणका, 14 जणांविरोधात वांद्रे पोलिसांकडून गुन्हा; 52 मोटरसायकली जप्त

रात्रीच्या वेळेस वांद्रे रिक्लेमेशन ते पश्चिम द्रुतगती महामार्ग येथे मोटरसायकलवर रेस खेळणाऱ्या स्टंटबाजांना पोलिसांनी दणका दिला. पोलिसांनी कारवाई करून एकूण 52 मोटरसायकली जप्त केल्या. याप्रकरणी वांद्रे पोलिसांनी 14 जणांविरोधात गुन्हा नोंद केला.

वांद्रे ते पश्चिम द्रुतगती महामार्ग येथे काही तरुण रात्रीच्या वेळेस जीवघेणे स्टंट करत रेस खेळतात. अशा स्टंटबाजांवर पोलीस वेळोवेळी कारवाई करत असतात. वांद्रे रिक्लेमेशन ते खेरवाडी असे काही जण मोटरसायकलची रेस खेळत असल्याची माहिती दक्ष नागरिकांनी पोलीस नियंत्रण कक्षाला दिली.

त्यानंतर वांद्रे आणि खेरवाडी पोलिसांनी तात्काळ नाकाबंदी लावून रेस खेळणाऱ्यांना ताब्यात घेतले. पोलिसांनी एकूण 52 मोटरसायकली जप्त केल्या आहेत. रेस खेळल्याप्रकरणी 14 जणांविरोधात वांद्रे पोलिसांनी गुन्हा नोंद केला.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.