भाजीविक्रेत्याच्या मुलाची यशाला गवसणी; रोज 10 तास अभ्यास करून घेतले उच्च शिक्षण

गेवराई तालुक्यातील सेलू येथील शेतकरी कुटुंबातील शिवराज अशोक शिंगाडे याने अत्यंत प्रतिकूल परिस्थितीत उच्च शिक्षण घेतले आहे. शिवराजचे वडील अल्पभूधारक शेतकरी, भाजीविक्रेते. वडिलांचे आयुष्यभराचे कष्ट लक्षात घेता शिवराजने दररोज 10-10 तास अभ्यास करून कॉस्ट मॅनेजमेंट अकाऊंटंटचे शिक्षण घेतले.

80-90 च्या दशकात कोरडवाहू असलेल्या सेलू गावातील शेतशिवार जवळपास 75 टक्के ओलिताखाली आले. यामुळे शेतकरी नगदी पिकाकडे वळला. शेतकरी अशोक शिंगाडे यांनी आपल्या तीन एकर जमिनीवर भाजीपाला लागवड करून मुलगा शिवराजचे शिक्षण पूर्ण केले. शिवराजने जिद्द आणि चिकाटीचे दर्शन घडवत उच्च शिक्षण घेतले. छत्रपती संभाजीनगर येथील देवगिरी महाविद्यालयात पदवीचे शिक्षण घेतले. पदवीचे शिक्षण घेतल्यानंतर पुणे येथे कॉस्ट मॅनेजमेंट अकाऊंटंटचे शिक्षण घेण्यास पात्र ठरला. भाजी विक्रेत्याच्या मुलाचे आज पंचक्रोशीत कौतुक होत आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.