वा रे हिंदुत्ववादी सरकार, मलंग उत्सव शिस्तीत साजरा करण्याऱ्या हिंदू भक्तांना नोटिसा

माघी पौर्णिमेला उद्या बुधवारी कल्याणजवळील मलंगगड दुमदुमून जाणार आहे. मात्र उत्सवाच्या पूर्वसंध्येलाच पोलिसांनी हिंदू भक्तांना नोटिसा धाडल्या आहेत. उत्सव शिस्तीत आणि सभ्यपणे पार पाडण्याचे स्पष्टपणे बजावले आहे. या नोटिसांमुळे हिंदू भाविकांमध्ये संतापाची लाट पसरली असून वा रे हिंदुत्ववादी सरकार… म्हणत केंद्र आणि राज्यातील सत्ताधारी भाजप सरकारच्या बेगडी आणि पोकळ हिंदुत्वाच्या पुळक्याबद्दल सडकून टीका केली जात आहे

हिललाइन पोलीस ठाण्याचे वरिष्ठ पोलीस निरीक्षक अनिल जगताप यांनी काही हिंदू कार्यकर्त्यांना मनाई आदेशाच्या नोटिसा काढल्या आहेत. उत्सवादरम्यान सभ्यता अथवा नीतिमत्ता यास धोका पोहोचल्यास दखलपात्र गुन्हा दाखल करण्याचा इशारा दिला आहे. मुख्यमंत्री देवेंद्र फडणवीस स्वतः गृहमंत्री असताना हिंदू कार्यकर्त्यांना नीतिमत्तेचे धडे देणाऱ्या नोटिसा आल्याने संताप व्यक्त होत आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.