Sindhudurg News – लग्नाचे आमिष दाखवून युवतीवर वर्षभर बलात्कार, पोलिसांनी आरोपीला ठोकल्या बेड्या

सिंधुदुर्ग जिल्ह्यातील कणकवली तालुक्यात एक धक्कादायक घटना घडली आहे. एका युवतीला लग्नाचे आमिष दाखवून तिच्यावर वर्षभर बलात्कार करण्यात आला आहे. या प्रकरणामुळे परिसरात संतापाचे वातावरण निर्माण झाले असून या प्रकरणी संशयीत सौरभ बाबूराव बर्जे याला पोलिसांनी बेड्या ठोकल्या आहेत.

मिळालेल्या माहितीनुसार, संशयित आरोपी सौरभ बर्डे याने पीडितेला लग्नाचे आमिष दाखवले. त्यानंतर जानेवारी 2024 ते 9 फेब्रुवारी 2025 या कालावधीत विद्यानगर, आशिये, मुरेडोंगरी याठिकाणी असलेल्या फ्लॅटवर तिला नेत सौरभने तिच्याशी शारीरिक संबंध ठेवले. पीडितेने सौरभ याला लग्नाबाबत विचारणा केली असता त्याने लग्नास नकार दिला. त्यामुळे सोमवारी पोलीस ठाण्यात सौरभ याच्याविरोधात पीडितेने फिर्याद दिली. या प्रकरणी सौरभ याच्याविरोधात भारतीय दंड सहितेनुसार 69 अन्वये गुन्हा दाखल केला आहे. पोलीस उपनिरीक्षक राजकुमार मुंढे व अन्य पोलिसांच्या पथकाने सौरभ याला अटक केली. सौरभ याला मंगळवारी (11 फेब्रुवारी 2025) न्यायालयात हजर करण्यात येणार आहे. या प्रकरणाचा तपास राजकुमार मुंढे करीत आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.