Satara News – गडावर परफ्युम लावून जाणे महागात पडले, सहा गिर्यारोहकांवर मधमाशांचा हल्ला

साताऱ्याच्या वाई तालुक्यातील पांडवगडावर फिरण्यासाठी गेलेल्या गिर्यारोहकांना परफ्युम लावणे चांगलेच माहागात पडले आहे. परफ्युमच्या वासामुळे गिर्यारोहकांवर मधमाशांनी हल्ला केला आहे. मधमाशांच्या हल्ल्यात सहा जण गंभीर जखमी झाले आहेत. घटनेची माहिती मिळताच शिवसह्याद्री बचाव पथकाने गडावर धाव घेत बचावकार्य सुरू केले. बचाव पथकाने सर्व जखमी गिर्यारोहकांना गडावरून रेस्क्यू केले आहे.

पुणे जिल्ह्यातील इंदापूरचे रहिवासी असलेले सहा गिर्यारोहक साताऱ्याच्या वाई तालुक्यातील पांडवगडावर फिरण्यासाठी गेले होते. सर्व गिर्यारोहकांनी कपड्यांवर परफ्युम लावले होते. परफ्युमच्या वासाने मधमाशा विचलीत झाल्या आणि तरुणांवर हल्ला केला.

या हल्ल्यात सहा गिर्यारोहक गंभीर जखमी झाले आहेत. जखमींपैकी दोन जण बेशुद्ध असून जखमींना तातडीने वैद्यकीय मदत करण्याचे आवाहन शिवसह्याद्री बचाव पथकाचे सदस्य प्रशांत डोंगरे यांनी केले आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.