Amitabh Bachchan: बॉलिवूडचे महानायक अमिताभ बच्चन कायम सोशल मीडियावर सक्रिय असतात. बिग बी कायम ब्लॉग देखील लिहित असतात. अमिताभ बच्चन कायम सोशल मीडियाच्या माध्यमातून चाहत्यांच्या संपर्कात राहण्याचा प्रयत्न करत असतात. सांगायचं झालं तर 7 फेब्रुवारी रोजी अमिताभ बच्चन यांनी ‘जाण्याची वेळ आली…’ असं ट्विट केलं होतं. ट्विट पाहिल्यानंतर चाहत्यांनी चिंता व्यक्त केली. आता 9 फेब्रुवारी मध्यरात्री 2:15 वाजता पुन्हा अमिताभ बच्चन यांनी ट्विट केलं आहे.
मध्यरात्री बिग बींनी ट्विट केल्यामुळे चाहत्यांना देखील धक्का बसला आहे. बिग बींनी केलेल्या ट्विटनंतर एवढ्या रात्री ट्विट का केलं? असा प्रश्न चाहते विचारत आहेत. अमिताभ बच्चन ट्विट करत म्हणाले, ‘जाण्याची इच्छा होती… पण जावे लागले…’ सध्या बिग बींचं ट्विट सोशल मीडियावर तुफान व्हायरल होत आहे.
T 5282 – .. was when-ting to go .. but going got went !
बिग बींच्या ट्विटवर कमेंट करत एक नेटकरी म्हणाला, ‘सर आता झोपा नाही तर, जया बच्चन येतील’, अन्य एक नेटकरी म्हणाला, ‘आता शांत बसा सर… कालपासून तुम्ही मला घाबरवत आहात…’ सध्या सर्वत्र फक्त आणि फक्त अमिताभ बच्चन यांच्या ट्विटची चर्चा रंगली आहे.
बिग बींच्या सिनेमांबद्दल सांगायचं झालं तर, सध्या अमिताभ बच्चन ‘कौन बनेगा करोडपती 16’ शो होस्ट करत आहे. सध्या त्यांनी कोणत्या सिनेमाची घोषणा केलेली नाही. पण बिग बी ‘रामायण’ सिनेमात झळकतील असं सांगण्यात येत आहे. वयाच्या 82 व्या वर्षी देखील बिग बी मोठ्या पडद्यावर सक्रिय आहे. त्यांना रुपेरी पडद्यावर पाहण्यासाठी चाहते आजही तितकेच उत्सुक असतात.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
.jpeg)
Comment List