ज्येष्ठ पत्रकार पंढरीनाथ सावंत यांचे निधन; विविध क्षेत्रातील मान्यवरांकडून आदरांजली

ज्येष्ठ पत्रकार, साहित्यिक आणि ‘मार्मिक’चे माजी कार्यकारी संपादक पंढरीनाथ सावंत यांचे शनिवारी सकाळी 6.30 वाजण्याच्या सुमारास काळाचौकी येथे राहत्या घरी वृद्धापकाळाने निधन झाले. ते 91 वर्षांचे होते. त्यांच्या पश्चात दोन मुले, एक मुलगी,जावई, दोन सुना, नातवंडे, पंतवंडे असा परिवार आहे. त्यांच्या पार्थिवावर भोईवाडा स्मशानभूमीत दुपारी अंत्यसंस्कार करण्यात आले.

शिवसेना (उद्धव बाळासाहेब ठाकरे) पक्षप्रमुख उद्धव ठाकरे, शिवसेना नेते सुभाष देसाई, शिवसेना नेते, खासदार संजय राऊत, अरविंद सावंत, आमदार मनोज जामसुतकर, माजी नगरसेवक दत्ता पोंगडे, शिवडी विधानसभा संघटक सुधीर साळवी, माजी आमदार प्रमोद जठार यांच्यासह विविध क्षेत्रातील मान्यवरांनी त्यांचे अंत्यदर्शन घेऊन आदरांजली वाहिली. त्याचबरोबर शिवसेना पदाधिकारी, कलाकार, पत्रकार यांच्यासह विविध क्षेत्रातील मान्यवरानी त्यांचे अंत्यदर्शन घेतले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.