भांडारकर इन्स्टिट्यूटच्या विश्वस्तपदावरून सोलापूरकर पायउतार

छत्रपती शिवाजी महाराज यांच्याबाबत अवमानकारक वक्तव्य करणारा अभिनेता राहुल सोलापूरकरने भांडारकर इन्स्टिट्यूटच्या विश्वस्त पदाचा राजीनामा दिला आहे. हा राजीनामा आम्ही स्वीकारला आहे, असे संस्थेचे मानद सचिव प्रा. सुधीर वैशंपायन यांनी प्रसिद्धीस दिलेल्या पत्रकात म्हटले आहे.

सोलापूरकरच्या विरोधात पुणे पोलिसांकडे तक्रार अर्ज आले आहेत. त्यावर कायदेशीर पडताळणी करून कार्यवाही केली जाणार आहे, अशी माहिती पोलीस आयुक्त अमितेश कुमार यांनी दिली. सोलापूरकरने एका पॉडकास्टमध्ये छत्रपती शिवाजी महाराजांविषयी अवमानकारक वक्तव्य केले होते. याबाबत अनेक संस्था संघटनांनी निदर्शने केली. शिवसेना पक्षाने सोलापूरकरच्या प्रतिमेला जोडे मारो आंदोलन केले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.