निलगिरीच्या जंगलातून एक कोटीचे लाल चंदन जप्त, कर्नाटक आणि आंध्र प्रदेश पोलिसांची संयुक्त कारवाई

लाल चंदनाच्या तस्करीचे रॅकेट उद्धवस्त करण्यास कर्नाटक पोलिसांना यश आले आहे. होस्कोटे तालुक्यातील तिरुमलशेट्टीहल्ली पोलिसांनी कट्टीगेनाहल्ली गावातून एक कोटी रुपयांचे लाल चंदन जप्त केले आहे. आंध्र प्रदेश आणि कर्नाटक पोलिसांनी संयुक्त कारवाई केली. जप्त केलेले लाल चंदन पुढील तपासासाठी आंध्र प्रदेश पोलिसांकडे सोपवण्यात आले आहे.

तस्करांनी नीलगिरीच्या जंगलात हे लाल चंदन लपवून ठेवले होते. पोलिसांनी संयुक्त कारवाई करत लाल चंदनाचे 180 ओंढके हस्तगत केले. याची बाजारात किंमत एक कोटी रुपये आहे.

आंध्र प्रदेश पोलिसांनी तस्करांना अटक केली. तस्करांनी चौकशीत लाल चंदन कुठे ठेवले याची माहिती दिली. यानंतर आंध्र प्रदेश पोलिसांच्या नेतृत्वाखाली कर्नाटक पोलिसांनी निलगिरीच्या जंगलात सर्च ऑपरेशन राबवत लाल चंदन जप्त केले, अशी माहिती बेंगळुरू ग्रामीण पोलीस अधीक्षकांनी दिली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.