स्वायत्त यंत्रणांनी तरी अण्णा हजारे यांच्यासारखे वागू नये, संजीवराजे निंबाळकरांवर ईडीच्या धाडीवरून रोहित पवार यांचा टोला

संजीवराजे निंबाळकर यांनी विधानसभा निवडणुकीत राष्ट्रवादी काँग्रेस शरदचंद्र पवार पक्षाचे काम केले म्हणून ईडीची धाड पडली असा आरोप आमदार रोहित पवार यांनी केला. तसेच स्वायत्त यंत्रणांनी तरी अण्णा हजारे यांच्यासारखे वागू नये असा टोलाही पवार यांनी लगावला आहे.

एक्सवर पोस्ट करून रोहित पवार म्हणाले की, एकीकडे ज्यांनी घोटाळे केले त्यांच्याविरोधात सर्व पुरावे स्वतः सत्ताधारी आमदार, सामाजिक कार्यकर्ते देत असताना
ईडी, आयटी विभागाला जाग येत नाही, परंतु दुसरीकडे संजीवराजे निंबाळकर यांनी विधानसभेला, लोकसभेला राष्ट्रवादीचे काम केले म्हणून त्यांच्यावर छापेमारी होते याला काय म्हणावे? किमान स्वायत्त यंत्रणांनी तरी मा. अण्णा हजारे यांच्यासारखे वागू नये असे रोहित पवार म्हणाले.

एकीकडे ज्यांनी घोटाळे केले त्यांच्याविरोधात सर्व पुरावे स्वतः सत्ताधारी आमदार, सामाजिक कार्यकर्ते देत असताना #ED, #IT विभागाला जाग येत नाही, परंतु दुसरीकडे संजीवराजे निंबाळकर यांनी विधानसभेला, लोकसभेला राष्ट्रवादीचे काम केले म्हणून त्यांच्यावर छापेमारी होते याला काय म्हणावे?…

— Rohit Pawar (@RRPSpeaks) February 5, 2025

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.