Mumbai News – वांद्रे टर्मिनसमध्ये रेल्वेत महिलेवर अत्याचार, हमालाला अटक

वांद्रे टर्मिनस येथे ट्रेनमध्ये हमालाने एका महिलेवर बलात्कार केल्याची घटना समोर आली आहे. याप्रकरणी वांद्रे जीआरपीत गुन्हा दाखल करण्यात आला असून पोलिसांनी आरोपी हमालाला अटक केली आहे. या घटनेवरून पुन्हा एकदा मुंबईत महिलांच्या सुरक्षेचा प्रश्न ऐरणीवर आला आहे.

पोलिसांनी दिलेल्या माहितीनुसार, पीडित महिला आपल्या मुलासह शनिवारी रात्री ट्रेनने वांद्रे टर्मिनसवर पोहचले. यानंतर ते दोघेही प्लॅटफॉर्मच्या दुसऱ्या बाजूला असलेल्या ट्रेनमध्ये चढले. या ट्रेनमध्ये कुणीच नव्हते.

ट्रेनमध्ये आधीच उपस्थित असलेल्या हमालाने संधी साधून महिलेवर बलात्कार केला आणि पळून गेला. यानंतर महिलेने वांद्रे जीआरपीमध्ये तक्रार दाखल केली. पोलिसांनी रेल्वेस्टेशनवरील सीसीटीव्ही फुटेजच्या आधारे आरोपीची ओळख पटवून त्याला अटक केली. महिला दुसऱ्या ट्रेनमध्ये का चढली? याबाबत पोलीस चौकशी करत आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.