भरधाव बोलेरोची कँटरला धडक, अपघातात 9 जणांचा जागीच मृत्यू; 11 जण जखमी

भरधाव बोलेरो पिकअप वाहनाने कँटरला धडक दिल्याने 9 जणांचा जागीच मृत्यू झाला. अपघातात 11 जण गंभीर जखमी आहे. जखमींना उपचारासाठी रुग्णालयात दाखल करण्यात आले आहे. अपघाताची माहिती मिळताच स्थानिक पोलीस आणि आपत्कालीन पथक घटनास्थळी दाखल झाले. पंजाबच्या फिरोजपुर-फाजिल्का रोडवर शुक्रवारी ही घटना घडली.

बोलेरो पिकअपमधून सर्व मजूर फिरोजपूरहून ग्रामीण भागात चालले होते. यावेळी अतिवेगामुळे चालकाचे नियंत्रण सुटले आणि पिकअप कँटरवर धडकली. यात 9 जणांचा मृत्यू झाला. अपघातात मयत आणि जखमी झालेले सर्व मजूर लग्नसमारंभात वेटरची कामं करायचे. अपघातानंतर महामार्गावर वाहतूक कोंडी निर्माण झाली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.