लिव्ह इन मध्ये राहताय? मग त्या आधी भरा ‘हा’ 16 पानांचा फॉर्म

उत्तराखंडमध्ये समान नागरी कायदा (युसीसी) लागू झाला आहे. यामध्ये सर्वात जास्त चर्चा लिव्ह इन रिलेशिपबद्दल होतेय. उत्तराखंडच्या धामी सरकारने युसीसीचे नियम बनवले आहेत, त्यामध्ये ‘लिव्ह इन’ बद्दल कडक नियम करण्यात आले आहेत. त्यानुसार ‘लिव्ह इन’च्या नोंदणीसाठी जोडप्यांना 16 पानी फॉर्म भरावा लागेल. याशिवाय विवाह संमतीसंदर्भात पुजारी किंवा धार्मिक नेत्याचे प्रमाणपत्रही द्यावे लागेल. त्यामध्ये असे लिहिलेले असेल की या जोडप्याची इच्छा असेल तर ते विवाह करण्यासाठी पात्र आहेत. जर कुणी जोडप्याने लिव्ह इनची नोंदणी केली नाही, तर त्याला सहा वर्षांची शिक्षा होऊ शकते. उत्तराखंडमध्ये राहणाऱया अन्य राज्यांतील लोकांनाही हे नियम लागू होतील.

युसीसीचे नियम काय आहेत

लिव्हइनसाठी नोंदणी ऑनलाईन आणि ऑफलाईन दोन्ही पद्धतीने करता येईल. तुम्ही आधीच लिव्ह इनमध्ये आहात की तुम्हाला लिव्ह इन रिलेशनशीपमध्ये जायची इच्छा आहे, हे सांगावे लागेल. ‘लिव्ह इन’साठी विवाह संमती प्रमाणपत्राची गरज असेल. पुजारी किंवा संबंधित समुदायाच्या धार्मिक नेत्याचे प्रमाणपत्र लागेल. लिव्ह इन रिलेशनशिपमध्ये राहणाऱया जोडप्याला आधीच्या संबंधांची माहिती द्यावी लागेल. विवाह झालेला आहे का? त्यासाठी कागदपत्रे सादर करावी लागतील.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.