कॅसल मिल, गोकुळनगरवासीयांना मिळणार पाइप गॅस, शिवसेनेच्या पाठपुराव्यास यश

सिलिंडर बुकिंग, वेटिंग लिस्ट या सर्व कटकटीतून आता ठाण्यातील गृहिणींना दिलासा मिळाला आहे. शिवसेना (उद्धव बाळासाहेब ठाकरे) पक्षाच्या पाठपुराव्यामुळे गोकुळनगर, कॅसल मिल भागातील रहिवाशांच्या घरात थेट पाइप गॅसची सुविधा सुरू करण्यात आली आहे. त्यामुळे एका क्लिकवर गृहिणींना गॅस मिळणार असून त्याचे दरही कमी लागणार आहेत. आज शिवसेना नेते तथा माजी खासदार राजन विचारे यांच्या हस्ते या पाइप गॅसचे लोकार्पण करण्यात आले.

कॅसल मिल परिसरातील आझाद नगर नं. 1, गोकुळनगरमधील साई आनंद प्लाझा, एकता साफल्य व इतर इमारतींमध्ये महानगर गॅसचा पुरवठा करण्यासाठी विभागप्रमुख राजू मोरे यांनी शिवसेना नेते राजन विचारे मार्गदर्शनाखाली महानगर गॅसकडे पाठपुरावा केला होता. त्याला यश आले असून आजपासून महानगर गॅसचा पुरवठा या परिसरात सुरू झाला आहे. येत्या काही दिवसात परिसरातील इतर इमारतींमध्येही ही पाइप गॅस सुविधा लवकरात लवकर पोहोचणार असल्याचे आश्वासनही यावेळी शिवसेनेने दिले आहे.

शिवसेना नेते तथा माजी खासदार राजन विचारे यांच्या उपस्थितीत पार पडलेल्या उद्घाटन कार्यक्रमावेळी विभागप्रमुख राजू मोरे, उपविभागप्रमुख सुभाष उरणकर, वैभव झापकार, महिला आघाडी नंदा कोथळे, राजेश्री सुर्वे, कविता नार्वेकर, शाखाप्रमुख प्रकाश मोरे, योगेश वेंगुर्लेकर, दीपक मोरे, उपशाखाप्रमुख सतीश धनावडे, महेश मोरे, फोरीज तांबोळी, रोहित यादव, प्रेम यादव, दीपक केवट, ऋषिकेश निवाते, ओमकार मोरे, बाबू यादव, फुंडकर आदी उपस्थित होते.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.